මල්සරා අපි සොඳුරු පපුවක් හොයමු...

ප්‍රේමය ඇත්තේම අඳුරු අහුමුළු වලය 

නුරාව වෑහෙනා ඉඳිමුණ තොල් වලය 

හංදියේ දිළිසෙනා රතු රෝස මල් වලය 

මල්සරා...ඒ ප්‍රේමයේ එදා වේලය...

ඉස්සර වගේ නොව ප්‍රේමයද අවතැන්ය...

මල්සරා ඉසුරුමුණි පෙම්වතුන් ළඟ 

තවම ඇති ඉපැරණිම නොඉඳුල්ම ප්‍රේමය 

නිකමට එහෙ ගිහින් බලන් හැඩහුරුකම 

ආවොතින් ලේසි වෙයි මල් දුන්න මානන්න...

සොඳුරු හිත් ඇත්තේම හුදකලා තැන් වල...

මල්සරා පිරියම් කරමු අපි මල් දුන්න 

මානන්න හැකි එවිට සොඳුරු පපුවක මැදට 

නාඳුනන කඳුලක් පවා පතුලට බහින 

අනෝරා වැස්ස යට හිනාවී ගී ගයන... 

මල්සරා විදිමු අපි එහෙම පපුවක මැදට...

පොකුරු වැහි....

-----------------------------------------------------------------------------------------------------------------------