සමහරක් කතන්දර රීති නැති
තිත් කොමා නැවතීම් ලකුණු නැති...
ලං නොවී ලත වෙනා හිස් තැනකි
ප්රේමයෙන් වෙලී ඇති කඩ ඉරකි
වෙන් වෙන්ව බැඳී ඇති ඡේදයකි
රාමුවෙන් එපිට ඇඳි චිත්රයකි...
මේ කතන්දර වල සකි රීති නැති
තිත් කොමා නැවතීම් ලකුණු නැති...
ගැටපදය විවරණය කරනු බැරි
පටුනේ පළමු පිට සොයනු බැරි
යටි පෙළක අරුතක් කියනු බැරි
ජීවිත පොතක ගොනු කරනු බැරි...
මේ කතන්දර වල සකි රීති නැති
තිත් කොමා නැවතීම් ලකුණු නැති...
හදවත සසල කල කෙටි වැකි
කම්පිතව මතකයේ ඇලී ඇති
ඉසියුම් තැනක කලබල නැති
යලි යලි රැඳෙන්නට හිත ඇති...
මේ කතන්දර වල සකි රීති නැති
තිත් කොමා නැවතීම් ලකුණු නැති...
සමහරක් කතන්දර රීති නැති
තිත් කොමා නැවතීම් ලකුණු නැති...
ww@මාර්තු, 28, 2026
No comments:
Post a Comment